السلام عليكم و رحمة الله و بركاته
بضع بين يدي اخواني طرق مختلفة للربح من
الاخبار الاقتصادية اتمني من الله ان ينفعنا بها
الموضوع تحت المناقشة يعني لسه منتهاش و مستقريتش علي الصورة النهائية لكن عندي امل كبير انه باذن الله ثم بارائكم و اقتراحاتكم هنستقر علي الطريقة الاخيرة و المريحة للجميع و الله المستعان
و في الاول فيه معلومة اتقالتلي و هي ان في اغلب الاوقات الخبر بييجي مطابق للتحليل الفني لكنه بدل ما يخلي السعر يتحرك مثلا 200 بيب في خمس ساعات مثلا هم برده نفس ال 200 بيب هيتحركهم بس في دقايق لحظة صدور الخبر اذن هنبدا الطرق
هبدا بالاولي لكنها الاضعف
طبعا احنا كلنا عارفين ان الخبر لو قوي هيحرك السعر في حدود 200 بيب و بعدين بيبدا يرجعهم لكن بالتدريج و بناءا علي ذلك بنحط اوامر معلقة الامر الاول بيع فوق السعر قبل الخبر ب 200 عشان لما الخبر يطلع و يحرك السعر لفوق يفتح بيع فتبدا تكسب رجوعه و طبعا العكس بالعكس يعني امر شرا تحت السعر قبل الخبر ب 200 او 150 بيب عشان لو الخبر سلبي
الطريقة التانية (الطرق مرتبة حسب الضعف معلش)
اقوي من الاولي و اللي جاي اقوي
قبل الخبر بنص ساعة او ساعة بتحلل عادي جدا فني بحت و باذن الله السوق يتحرك معاك علي الاقل 15 او 20 بيب ساعتها تنقل الستوب لنقطة الدخول و تلغي التارجت او تكبره لما يصدر الخبر لو في صالحك هتقش كتير اوي يا معلم لو ضدك مش هتخسر اي حاجة
الطريقة التالتة
انك بتحط قبل الخبر بربع ساعة فوقه امر شرا و تحته امر بيع و لما الخبر يطلع هيفتحلك اللي مع اتجاه الخبر و يستحب انك تتابع هدفك علي حسب قوة الخبر او تلاحقه بالستوب وراه او حط هدف من 50 :100 بيب و الستوب بعدها علي نقطة الدخول
فيه باه كمان بالمرة نذكر طريقة رابعة بس انا مبستريحلهاش بس نذكرها يمكن تعجب حد من الاعضاء الكرام
بنفتح عمليتين علي طول واحده بيع و التانية شرا و الهدف 100 و نستني تاثير الخبر مع ايهما
و اما نقفل العكسية علي طول او لو ملحقناش نستني الارتدادة الهدف بتاع اللي مع الاتجاه يتحقق و لما يرتد نقفل العكسية طبعا مفيش احتمال خسارة لان الكلام ده معناه ان احنا هنبقي عاملين هيدج من الاول و بعد تاثير الخبر بنشوفه مع ايهما عشان نقفل التانية
انا بفضل الطريقة التالتة زي ما رتبت الطرق و في انتظار ردودكم و اقتراحاتكم و ارجو ان الموضوع يعجبكم
ولا اقولكم متشتغلوش علي
الاخبار احسن ههههههههههههه
طبعا بالطرق دي احنا ممكن نكسب من
الاخبار كتير اوي اكتر من التحليل الفني بس المهم نفلتر
الاخبار و نشتغل علي المهم
و في الاول و الاخر المتوقع مهم جدا زي ما شفنا النهارده الخبرين بتوع الفايده علي اليورو و الباوند جم زي المتوقع بالضبط و السوق متحركش
السلام عليكم ورحمة الله و بركاته
ثلاث استراتيجيات للاستفادة من الاخبار بالربح
العرض العادي
